Strekkjari, f. girðingu

1932 - 1939

Varðveitt hjá

Strekkjarinn hefur 91 cm langt tréskaft og járnkeðju, sem endar í kjafti er grípur um vírinn við strekkingu. Lúinn er hann en heill. Gefandi er Gísli Sumarliðason sem ritaði eftirfarandi bréf sem fylgdi gripnum: Sumarliði Sigmundsson frá Gróf í Reykholtsdal og Guðríður Halldórsdóttir frá Kjalvararstöðum í Reykholtsdal bjuggu á Bjargi í Borgarnesi 1932-1939. Bjarg var þá í eigu Vigfúsar Guðmundssonar veitingamanns frá Eyri í Flókadal. Á þessum árum var sr. Björn Magnússon prestur á Borg og var Sumarliði oft í vinnu hjá presti í viðhaldi girðinga á prestsetrinu. Þegar sr. Björn hætti sem prestur á Borg og varð prófessor við Guðfræðideild Háskóla Íslands gaf hann Sumarliða girðingarstrekkjara sem hann notaði við girðingavinnuna. Gripur þessi komst í mína eigu eftir lát Sumarliða og afhendi ég hann hér með [Landbúnaðar-safni Íslands] til varðveislu.