Grautarskál
Varðveitt hjá
Byggðasafnið í Görðum á Akranesi
Grautarskálina átti Jón Þorsteinsson bóndi,lengi á Glammastöðum í Hvalfj.str.hr. (f.1864,d.1946). Þegar hann bjó í Skipanesi var vinnumaður á Geldingaá í Leirársveit sem Kristbjörn hét. Eitt sinn kom hann til fundar við Jón og bað hann að spengja skálina er væri öll í brotum. Tók Jón því vel. fékk Kristbjörn honum brotinn og gat þess að að lítið brot hefði týnst úr barmi skálarinnar. Lagði hann á það mikla áherslu að Jón fyllti upp í skarðið með einhverjum ráðum því ella fengi hann skálina ekki fulla og sinn skammt því minni en sér bæri.Jón kvaðst hafa einhver ráð með það. Skömmu síðar dó Kristbjörn og það áður en að J'on hafði komið því í verk að spengja skálina. Stuttu eftir var dót Kristbjarnar sett á uppboð og selt til að mæta kostnaðinum við útförina og þar með skálabrotin. Jón fór á uppboðið ,bauð í brotin og voru þau slegin honum fyrir 10 aura. Jón spengdi síðan skálina og gekk frá henni eins og hún er hér. Þetta var skömmu fyrir aldamót. Eftir það notaði Jón sjálfur skálina að jafnaði yfir 20 ár. Sigurður sonur Jóns eignaðist skálina eftir föður sinn.Hann gaf safninu skálina.Meira er ekki vitað um sögu og aldur skálarinnar.
-Heimild frá Sigurði og Bóthildi Jónsbörnum.
Aðrar upplýsingar
Safnnúmer
Safnnúmer B: 1959-694-1
Stærð
11 x 0 cm
Lengd: 11 cm
Staður
Staður: Glammastaðir, Hvalfjarðarsveit
Aðfangategund
Undirskrár
Undirskrá: Almenn munaskrá
Efnisorð / Heiti
Upprunastaður
64°26'21.9"N 21°34'42.5"W