Blóðtökuhnífur
Varðveitt hjá
Byggðasafnið í Görðum á Akranesi
Þessi blóðtökubíldur er annar af
tveimur (sá stærri) sem voru í eigu Guðmundar Ólafssonar bónda og alþingismanns
á Fitjum í Skorradal ( f. 1825, d. 1889). Guðmundur fékkst við lækningar
á mönnum og skepnum og notaði hann m.a þessi tæki. Þennan bíld hafði hann
til blóðtöku á stórgripum. Páll Einarsson bóndi og gullsmiður á Sogni í
Kjós, svili Guðmundar og faðir Eggerts prófasts á Breiðbólstað í Fljótshlíð,
smíðaði bíldinn. Sú saga fylgir bíldinum að stúlkur í sveitinni hafa sóst
mjög eftir að fá hann lánaðan til að taka upp rósina sem grafin er á hann
til að sauma hana í klútshorn. Guðmundur á Fitjum var alþingismaður Borgfirðinga
1875 til 1879. Hann bjó í Gröf í Skilmannahreppi á árunum 1856 til 1867.
Sonarsonur hans, Guðmundur Ólafsson bóndi á Sarpi í Skorradal, gaf safninu
bíld afa síns.
Aðrar upplýsingar
Safnnúmer
Safnnúmer B: 1959-1040-1
Staður
Staður: Fitjar, 311-Borgarnesi, Skorradalshreppur
Aðfangategund
Undirskrár
Undirskrá: Almenn munaskrá
Efnisorð / Heiti
Upprunastaður
64°28'23.5"N 21°17'25.6"W