Til baka í leit
Veistu meira?

Beislisstöng

Varðveitt hjá
Byggðasafnið í Görðum á Akranesi
Beislistengur þessar átti fyrst svo vitað sé ,Kristín Sveinsdóttir frá Þingnesi ,fyrsta kona Jóns Brandssonar á Fróðastöðum í Hvítársíðu. Síðan átti stengurnar ,Halldóra dóttir Jóns og seinustu konu hans af þremur ,Guðrúnar Jónsdóttur , Halldóra giftist Guðmundi Egilssyni á Þorgautsstöðum og seinna Einari Halldórssyni á Ásbjarnastöðum í Stafholtstungum. Við dauða Halldóru (d,um1860) keypti Jón Sveinsson á Síðumúlaveggjum í Hvítársíðu stengurnar á uppboði sem haldið var á búhlutum hennar. Eftir Jón komust stengurnar í eigu Magnúsar Halldórssonar bónda á Síðumúlaveggjum. Magnús gaf Sigurði Jónssyni smið í Tryggvaskála (Fjólugrund 3 sem nú heitir Kirkjubraut 46) á Akranesi stengurnar og afhenti Sigurður safninu til varðveislu. Magnús telur að stengurnar hafi verið um 170 ár í eigu ofangreindra eða þar til hann gaf Sigurði þær. Jón Brandsson á Fróðastöðum var langafi Magnúsar. Sonur hans og móðurafi Magnúsar var Daníel bóndi á Fróðastöðum (f.1802) .Þá segir Magnús að elstu menn í sínu ungdæmi hafi sagt stengurnar vera smíðaðar af Ólafi Jónssyni á Lundum í Stafholtstungum (nefndur "himnasmiður"). Segir Magnús viðurnefnið komið af því að Ólafur hafi gert nokkuð af því að smíða engla- helgra manna myndir. Afkomendur Ólafs bjuggu á Lundum eftir hann í fimmliði í beinan karllegg.

Aðrar upplýsingar

Efni
Safnnúmer
Safnnúmer B: 1959-665-1
Staður
Núverandi sveitarfélag: Borgarbyggð, Borgarbyggð
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Beislisstöng