Útsaumsprufa, dúkur

1937 - 1938

Varðveitt hjá

Útsaumsprufa (dúkur) úr Miðbæjarskóla, að öllum líkindum frá árunum 1937-1938. Saumað með ullargarni í hessianstriga. Tveir mjóir útsaumsbekkir mynda kross í miðju. Útsaumur: Þræðispor, afturstingur, leggsaumur (kontorstingur, varpleggur) og lykkjuspor. Mislöng tunguspor eru saumuð í kringum dúkinn. Efnið er rakið upp að tunguspori. Stærð: 15.5 x 15.5 sm. Notkun hessianstriga í útsaumi í grunnskóla er dæmi um vöruskort á þessum tíma. Seinna þótti smart að sauma í grófan striga og er hann enn notaður í ýmiss verkefni. Söfnun, greining og skráning. Sigrún Guðmundsdóttir fyrrverandi lektor í textílmennt við Menntavísindasvið HÍ og Sigrún Laufey Baldvinsdóttir fyrrverandi textílkennari við Grunnskóla Seltjarnarness, Mýrarhúsaskóla.