Prjónaður þvottapoki

1958 - 1962

Varðveitt hjá

Borgarsögusafn Reykjavíkur

Prjónaður þvottapoki. Nemendavinna úr Miðbæjarskóla 1958-1962. Hvítur með tveimur bleikum röndum. Garðaprjónaður kantur að ofan og mjó garðaprjónuð rönd ofarlega á pokanum (bleik). Megin pokinn er prjónaður með sléttu og brugðnu prjóni sem myndar kafla. Síðar gekk það undir heitinu þvottapokamunstur. Heklaður hanki. Pokinn var skylduvinna í 10 ára bekk samkvæmt drögum að námskrá 1948. Handavinnukennari Kristínar í Miðbæjarskólanum var Guðrún Sigurðardóttir, F.15.7.1905. D.15.7.1995. Við bendum á fróðlega grein sem Guðrún skrifaði í tímarit Heimilisiðnaðarfélags Íslands, Hugur og hönd árið 1983. Þar skrifar hún um handavinnukennslu í Barnaskóla Reykjavíkur, Miðbæjarskólanum, en hún kenndi við skólann frá 1930-1969. Söfnun, greining og skráning. Sigrún Guðmundsdóttir fyrrverandi lektor í textílmennt við Menntavísindasvið HÍ og Sigrún Laufey Baldvinsdóttir fyrrverandi textílkennari við Grunnskóla Seltjarnarness, Mýrarhúsaskóla.