Panta mynd Notkunarskilmálar

Herðatré,Nálabók, Blúnda

1961 - 1963

Varðveitt hjá

Borgarsögusafn Reykjavíkur

Jónína María gefur skólahandavinnu sína úr Melaskóla: a) Herðatré. Prjónað utan um herðatré. Nemendavinna úr Melaskóla 1961-1962.Garðaprjón, rauður litur. Ein lína saumuð með grófu krókspori (hexispor) framan á herðatréð. Tunguspor (kappmelluspor) saumað utan um krókinn á herðatrénu (mjög slitið). b) Lítil nálabók. Nemendavinna úr Melaskóla 1961-1962. Útsaumur: Varpað þræðispor, ídregið tvöfalt þræðispor, leggsaumur (kontorstingur, varpleggur) og oddaspor. Tunguspor (kappmelluspor) saumað í kantinn og efnið rakið upp að tungusporinu. Inn í nálabókinni er lítið garðaprjónað stykki fyrir nálar. Bókin er bundin saman með tveimur fléttuðum snúrum. Jónína man að það þurfti að spara gula garnið, hún gat ekki fengið meira. c) Hekluð blúnda. Nemendavinna úr Melaskóla 1962-1963. Blúnduna heklaði Jónína í 10 ára bekk. Hún saumaði hana á koddaver sem hún gerði einnig í 10 ára bekk. Koddaverið slitnaði en blúndan ekki. Söfnun, greining og skráning. Sigrún Guðmundsdóttir fyrrverandi lektor í textílmennt við Menntavísindasvið HÍ og Sigrún Laufey Baldvinsdóttir fyrrverandi textílkennari við Grunnskóla Seltjarnarness, Mýrarhúsaskóla.