Panta mynd Notkunarskilmálar

Handavinnupoki

1937 - 1938

Varðveitt hjá

Borgarsögusafn Reykjavíkur

Handavinnupoki merktur MG. Pokinn er unninn í Miðbæjarskóla, að öllum líkindum á árunum 1937-1938. Handavinnupoki var skyldustykki í barnaskóla frá 1936. Pokinn er allur handsaumaður. Faldurinn að ofan er brottinn yfir á röngu og saumaður niður í höndum. Saumuð er mjó krosssaumslína yfir faldbrún á réttu. Á annarri hlið pokans eru upphafsstafirnir MG saumaðir með krosssaumi. Pokinn er dreginn saman að ofan með snúinni bómullarsnúru (blá og hvít). Pokinn hefur greinilega verið mikið notaður því hann er þunnur af sliti og með litlum götum. Stærð: 27 x 22.5 sm. Söfnun, greining og skráning. Sigrún Guðmundsdóttir fyrrverandi lektor í textílmennt við Menntavísindasvið HÍ og Sigrún Laufey Baldvinsdóttir fyrrverandi textílkennari við Grunnskóla Seltjarnarness, Mýrarhúsaskóla.