Skrauthöggsnaglar
Varðveitt hjá
Byggðasafn Skagfirðinga
Saumhögg eða skrauthöggsnaglar (stöppur) úr járni, notaðir þegar saumuð voru „líkklæði“. Naglarnir eða járnin eru misstórir og eru tveir til að gera göt og tveir til að gera blúndubrún.
21a er 8,5 cm að lengd. Mesta breidd um höggið, er 1,9 cm. Hann er númer 20 og stimplaður með S, ör sem vísar upp til vinstri með tveimur ferhyrningum í miðjunni og L. Bárumynstur.
21b er 7,9 cm langur, mesta breidd er 1,7 cm. Nr. 16 og stimplaður með m/n. Bárumynstur
21c er 8 cm langur, sívalur, fyrir gat. Á leggnum er stórt gat sem opið er framaná. Stimpill er á 2 m/n. Til að höggva göt á efni.
21d er alveg eins nema aðeins stærri 9 cm langur. Á honum er 3 m/n.
Allir naglarnir eru mjög kramdir á hausnum og greinilega mikið notaðir. Um þá segir gefandinn Auður M. Jónsdóttir f. 1921. "Þessi járn átti amma mín Guðný Jónasdóttir. Með þessum járnum hjó hún einhverskonar blúndur framan á ermar, í hálsmál og framan á boðunga á líkklæðum. Einnig var samskonar blúnda gerð umhverfis sveitaklútinn (sveitadúkinn) sem breiddur var yfir andlit líksins. Amma hafði þykkan tréhnall, á hann lagði hún línið. Á járnið var svo slegið með hamri til að höggva lauf eða annað mynstur á línið."
Aðrar upplýsingar
Titill
Sérheiti: Skrauthöggsnaglar
Efni
Safnnúmer
Safnnúmer A: BSk-5171
Safnnúmer B: 2016-21
Staður
Staður: Skottastaðir, Húnabyggð
Aðfangategund
Undirskrár
Undirskrá: Almenn munaskrá
Efnisorð / Heiti
Upprunastaður
65°24'50.5"N 19°40'21.4"W