Botnamerki, f. síldartunnur
1909 - 1928
Varðveitt hjá
Síldarminjasafn Íslands
Botnamerki, efribotnamerki, fyrir hálftunnu. Botnamerki Snorra Jónssonar kaupmanns frá Akureyri sem rak söltunarstöð á Siglufirði frá árinu 1909 og þar til að hann lést árið 1918. Þá tók sonur hans Rögnvaldur við stöðinni en hún var síðan seld Íslandsbanka á Akureyri á nauðungaruppboði 10. mars 1928. Söltunarstöðin var kennd við Snorra og kölluð Snorrastöð í daglegu tali en síðar fékk hún heitið Antonsstöð þegar nýir eigendur, Anton Jónsson og Gunnlaugur Guðjónsson á Akureyri, tóku við rekstri hennar af Íslandsbanka vorið 1928 (Benedikt Sigurðsson).
Á efri botni síldartunna voru vörumerki seljandans en á þeim neðri voru oft merki kaupandans.
Botnamerki: ,,Vörumerki íslenskra saltenda eru oftast nær bókstafir, fangamörk eða full nöfn. Fangamörkin eru oftast samansett af of litlum stöfum, ógreinileg og lítið einkennandi. Sum merki með fullu nafni eru góð, en nöfnin og merkin þurfa að vera þannig, að kaupendurnir geti fest sér þau í minni. Glöggar myndir eru beztu vörumerkin, en þær eiga að vera svo stórar og greinilegar, að þær skiljist strax, og sérkennilegar, svo þær munist.“ (Magnús Vagnsson, bls. 96).
Aðrar upplýsingar
Gefandi: Ragnar Helgason
Ártal
1909 - 1928
Efni
Safnnúmer
Safnnúmer A: SÍ-1072
Stærð
37.1 x 32.1 cm
Lengd: 37.1 Breidd: 32.1 cm
Staður
Núverandi sveitarfélag: Fjallabyggð, Fjallabyggð
Aðfangategund
Undirskrár
Undirskrá: Almenn munaskrá
Efnisorð / Heiti
Heimildir
Benedikt Sigurðsson. Síldarsöltunarstöðvar á Siglufirði. Handrit.
Magnús Vagnsson. (1939). Handbók síldverkunarmanna. Siglufjörður: Síldarútvegsnefnd.