Upphlutsborði
Varðveitt hjá
Þjóðminjasafn Íslands
Upphlutsborðar, tveir, af telpuupphlut. Borðarnir sjálfir eru úr svörtu flaueli og á hvorum þeirra er baldýrað blóm með gylltum málmþræði. Upphluturinn hefur verið dumbrauður og borðarnir hafa verið klipptir af og nokkuð af rauða ullarefninu með. Fóður undir er ljóst. Á hvorum borða eru fjórar millur úr silfri og í efstu millunni á hægri borðanum er reimarnál úr silfri hangandi í reim. Reimarnálin er fremur einföld að gerð, snúin. Þó nokkuð er fallið á allt silfrið. Ekki er vitað hver notaði upphlutinn. Skotthúfa nr. Þjms. 2016-43-3 og svunta nr. Þjms. 2016-43-4 hafa hugsanlega fylgt upphlutnum.
Gripirnir nr. Þjms. 2016-43 eru allir úr dánarbúi Ragnhildar Halldórsdóttur Skeoch. Hún var fædd árið 1919 og lést 2015. Hún fór árið 1940 til náms í Winnipeg í Kanada og bjó þá hjá frænku sinni, Guðrúnu Ásgeirsdóttur (f. 1868, d. 1948) og Finni Jónssyni sem var ritstjóri Lögbergs í Winnipeg. Ragnhildur giftist síðar Lawrence A. Skeoch (f. 1910, d. 2001). Hún bjó í yfir sex áratugi í Kanada og um tíma í Bandaríkjunum. Hún var barnlaus.
Gefendur gripanna eru erfingjar Ragnhildar: Ragnhildur Þórarinsdóttir (050153-4019), Guttormur Þór Þórarinsson (310856-7469), Margrét H. Þórarinsdóttir (031058-4739), Halldór Teitsson (170752-3849), Guðrún Helga Teitsdóttir (230555-4279), Ágúst Már Gröndal (181085-3559) og Anna Guðný Gröndal (241188-2059).
Aðrar upplýsingar
Efni
Safnnúmer
Safnnúmer B: 2016-43-2
Stærð
16 x 9 cm
Lengd: 16 Breidd: 9 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Upphlutsborði