Notkunarskilmálar

Spunavél

Varðveitt hjá

Heimilisiðnaðarsafnið

Spunavél - Spunavél með stóru hjóli. Í hjólinu eru sex pílárar og járnsveif með tréskafti. Vélin er 25 þráða. Spunavélin var til skiptis á Holtastöðum og Geitaskarði. Fólk kom með ullina sína og lét spinna lopa. Gefendur eru Soffía Pétursdóttir Líndal húsfreyja á Holtastöðum og Sigurður Þorbjörnsson bóndi á Geitaskarði. Þær upplýsingar fylgdu vélinni að Sigurjón Kristjánsson frá Forsæti hafi smíðað hana árið 1946. Til safnsins hafa borist ábendingar um að spunavélin hafi sennilega verið smíðuð af bræðrunum Gesti (1905-1985) og Krisjáni (1903-1977) Jónssonum frá Villingaholti, fremur en Sigurjóni. Í bókinni Ull verður Gull – Ullariðnaður Íslendinga 19. aldar og á 20. öld, höf: Magnús Guðmundsson, á bls. 77-79 er frásögn og lýsing á 10-30 þráða spunavélum smíðuðum af þeim bræðrum, sem passa mjög vel við þessa. Svo segir einnig að 1941-1942 hafi þeir Sigurjón Kristjánsson í Forsæti og Þórður Kr. Jónsson hafið framleiðslu á spunavélum eða sjálfvirkum rokkum. Spunavél Sigurjóns var ólík fyrri vélum og byggði á nýrri hugmynd. Eldri vélar höfðu verið vagnspunavélar en vélar Sigrurjóns voru líkari rokkum”.