Til baka í leit
Veistu meira?

Dragt a:jakki, b: pils

Varðveitt hjá
Heimilisiðnaðarsafnið
Dragt a:jakki, b: pils. Efnið er ofið úr rauðu, brúnu og dökkbrúnu ullarbandi. Köflótt. Jakkinn er tvíhnepptur (fjórar tölur) með utan á liggjandi vösum og aðsniðinn í mittinu. Klauf að aftan.Fóðrað með rauðu. Pils er einfalt og ófaldað. Rennilás á hlið. Fóðrað með svörtu. Saga: Anna Halla Björgvinsdóttir (1947-2010), sem saumaði dragtina, var fædd á Siglufirði. Hún lést á líknardeild Landspítalans þann 27. Sept. 2010. Anna ólst upp á Sauðákróki og Hólmavík. Hún tók landspróf frá Héraðsskólanum að Reykjum árið 1962 og stúdentspróf frá Menntaskólanum á Laugarvatni árið 1966. Forpróf í málvísindum og hljóðfræði frá HÍ 1968. Nam vefnað við Statens Håndverk og kunstindustriskolen í Ósló 1969-1973 með diplom í vefnaði og kennarapróf í handmennt frá Statens Lærerskole í Forming, Notedden, Noregi 1977. Hún starfaði um skeið á eigin vefstofu í Osló. Eftir að hún flutti til Íslands starfaði hún sem handmenntakennari við Valhúsaskóla á Seltjarnarnesi um nokkurra ára skeið og síðan í nokkur ár hjá Frímerkjasölu Pósts og síma. Síðan hóf hún störf við handritadeild Þjóðarbókhlöðunnar og starfaði þar til dauðadags. Eftir Önnu Höllu liggur töluvert af vefnaði og öðrum verkum sem bera vitin um einstaka vandvirkni hennar og smekkvísi. Hún tók þátt í samsýningum veflistamanna eftir heimkomuna frá Noregi og var virkur félagi í samtökum þeirra. Hún óf veggteppi sem óskað var eftir að hún ynni fyrir safnaðarheimili Árbæjarsóknar og safnaðarheimilið í Vestmannaeyjum og fyrir sjúkrahúsið Akranesi.

Aðrar upplýsingar

Titill
Sérheiti: Dragt a:jakki, b: pils
Efni
Safnnúmer
Safnnúmer A: HIS-2429-a og b
Staður
Staður: Reynimelur 48, 107-Reykjavík, Reykjavíkurborg
Aðfangategund
Undirskrár
Undirskrá: Heimilisiðnaðarsafnið
Efnisorð / Heiti
Efnisorð: Dragt

Upprunastaður

64°8'42.6"N 21°57'22.4"W