Stígvél úr selskinni, Kamikkur

Varðveitt hjá

Hvít stígvél (kamikkur) úr selskinni. Sólað með dökku skinni. Munsturbekkur um miðjan kálfann, 5sm. Munstrið er gert þannig að það eru klipptir niður í örsmáa ferhyrninga, skinn í ýmsum litum. Þessu er síðan raðað saman í reitamunstur og skapa heildstætt munstur hringinn í kring um kálfann. Eitt örsmátt spor er tekið í hvern ferhyrning. Litir eru: Blár, svartur, grænn, gulur og rauður. Svartar briddingar eru bæði að ofan og neðan. Neðri briddingin er takkalaga. Allt handsaumað og mjög fallega gert. Saga: Dánarbú Herdísar Vigfúsdóttur (10. sept. 1925-4.feb. 2011) ánafnaði Heimilisiðnaðarsafninu á Blönduósi tvær grænlenskar treyjur, grænlenskar töskur úr selskinni ásamt öðru grænlensku handverki. Nokkuð af handverkinu var Herdísi gefið, öðru söfnuðu þau Herdís og eiginmaður hennar Valtýr Pétursson ( 1919 - 1988) á 20 ára tímabili þegar þau voru leiðsögumenn í Grænlandi. Farið var fram á að munirnir verði vel varðveittir og að Herdísar og Valdtýs verði minnst þegar gripirnir eru hafðir til sýnis. Gefendur voru: Ólafur Halldórsson Guðmundur Ingólfsson Gyða Valdís Guðmundsdóttir Ásta Sóllilja Guðmundsdóttir f. mína hönd og Ingólfs Guðmundssonar. Sumarið 2012 hafði Guðrún Gunnarsdóttir, listakona, vinkona gefenda, samband við forstöðumann Heimilisiðnaðarsafnsins vegna þessara grænlensku muna. Rökstuðningur hennar fyrir varðveislu munanna á ísl. textilsafni voru fyrst og fremst vegna lita og munsturgerða sem gæti í framtíðinni verið merkilegt rannsóknarefni t.d. í tengingu við íslensku lopapeysuna. Einnig tenging þessara tveggja nágrannaþjóða, Grænlands og Íslands.