Ljósadúkur

Varðveitt hjá

Ljósadúkur úr hvítu hörlérefti. Hullfaldaður. Kanaríeyskur útsaumur þ.e. útklipptir þræðir á langveginn og ofið í stuttu þræðina. Saga: Dúkinn vann Herdís Pétursdóttir (1871-1928). Hún var fædd í Valadal á Skörðum í Skagafirði en flutti með fjölskyldu sinni að Álfgeirsvöllum þegar hún var fimm ára. Hún lést í Reykjavík 25. janúar 1928. Herdís giftist árið 1897 séra Hálfdáni Guðjónssyni og var húsfreyja á Breiðabólstað í Vesturhópi til ársins 1914 og síðan á Sauðárkróki til dauðadags. Þau hjón eignuðust 5 börn, þrjú dóu ung en upp komust Sigríður (1902-1922) og Helgi (1911-2009). Ingibjörg dóttir Helga gaf safninu dúkinn ásamt útsaumsmunum á númerunum HIS: 2143, 2145-2166.