Notkunarskilmálar

Skautbúningur

Varðveitt hjá

Heimilisiðnaðarsafnið

Skautbúningur: A) Faldur (skaut), hvítur. B) Blæja, hvít 122 cm löng. Henni fylgir taftslaufa. C) Treyja. Baldýraðir flauelsborðar saumaðir með silfurvír, Alexandersbekkur 5 cm breiður. Flauelsborðar í handvegi og á baki, saumaðir að utan með silfurvír. Framan á ermum er 6 cm blár balderaður flauelskantur. Undir ermum og í hálsmál að framan er þrætt fellt tjull. Fóðruð með blá og hvítröndóttu boldangi. D) Pils. 102 cm sítt. Skreytt að neðan með Alexanderbekk mynduðum úr flauelsborðum. Innan á er köflótt 22 cm skófóður. Það eru fáein göt á pilsinu. E) Belti. Baldýrað flauelsbelti 65 cm langt. Fóðrað með köflóttu tvistefni. Á því er Alexanderbekkur og rönd saumuð með silfurvír. * F) Beltispör. Kringlótt silfurplata og víravirki. Þrískipt. Aflangar krækjur sitt hvoru megin á beltinu. * G) Silfurspöng, gyllt. Neðst á henni er munstursbekkur. Saga: Þorbjörg Kristmundsdóttir átti þennan búning. Saumaður 1873-1880. Björn Ólafsson smíðaði spöngina og beltispörin. Guðrún Jónsdóttir erfði búninginn eftir móður sína Þorbjörgu og gaf síðan bróðurdóttur sinni Þorbjörgu Magnúsd, Sveinstöðum sem gaf safninu.