Púði
Varðveitt hjá
Heimilisiðnaðarsafnið
Púði, kringlóttur, heklaður úr silkisokkum - Kringlóttur púði heklaður úr skærlitum/mislitum silkisokkum. Sitt hvort munstrið á hvorri hlið. Mikið slitinn öðru megin. Bláröndótt fóðurefni kíkir fram. Kanturinn er heklaður úr svörtum silkisokkum. Tveir sambærilegir púðar eru til á Þjóðminjasafni Íslands. - Saga: Halldóra skrifar á miða sem hangir á púðanum: "Gefin mér af ísl. Konu á Kyrrahafsströnd 1938. Heklað úr silkisokkum. Helga Baldvinsdóttir "Undina" skáldkona.f. 3.12.1858, d. 23.10.1941 Á upplýsingum frá Þjóðminjasafni Ísl. Stendur m.a.: Var fædd á Litlu-Ásgeirsá í Víðidal í Húnaþingi…… Á eldri árum hætti hún svo að segja skáldskap en snéri sér að gerð þessara púða og varð nokkuð þekkt fyrir. Gefandi púðans (sem er í Þms) er Sigríður Kristín Snæbjarnardóttir Lister (1933) en púðinn er kominn frá föður hennar, Snæbirni Jónssyni, löggiltum dómtúlki og bóksala (f. 1887,d 1978) sem fékk hann að gjöf frá Undínu en gefandi veit ekki hvenær það var. Snæbjörn bjó lengst af í Reykjavík. Heildarútgáfa á ljóðum Undínu kom út árið 1852, og nefnist Kvæði. Í inngangi segir m.a.: Tíminn varð henni ekki langur, því nú gat hún í fullkomnu næði gefið sig við því, er veitti henni mesta ánægju, en það voru hannyrðir þær, er báru nafn hennar víðsvegar um Bandaríkin og Kanada. Það voru einkum púðarnir, þessi einstæðu listaverk, er hún vann að. Af þeim er mælt að hún hafi búið til milli eitt og tvö hundruð. Þeir voru þráfaldlega á hannyrðasýningum í Bandaríkjunum, … - og vitaskuld voru þeir verðlaunaðir. Aldrei seldi hún neinn þeirra, heldur gaf þá vinum sínum. … Munstrin í hinum frægu púðum sínum hugsaði hún sjálf upp og teiknaði, en garnið sem hún notaði í þá var upprak úr gömlum kvensokkum. Það aflitaði hún og litaði síðan á ný, en þar er einmitt meðferð hennar á litunum sem meistaralegust þykir … síðari helming æfi sinnar orti hún sjaldan kvæði. Og "Þetta eru kvæðin mín núna". Sjá nánar í bréfi frá Þjóðminjasafninu.
Aðrar upplýsingar
Titill
Sérheiti: Púði
Safnnúmer
Safnnúmer A: HB-43
Stærð
35 x 0
Lengd: 35
Aðfangategund
Undirskrár
Undirskrá: Halldórustofa
Efnisorð / Heiti
Efnisorð: Púði