Gúmmískór

1950 - 1970

Varðveitt hjá

Gúmmískór handgerðir af Magnúsi Pálssyni (f. 02. 12. 1910; d. 24. 07. 1994) bónda í Ytri-Dalbæ í Skaftárhreppi en hann gerði marga slíka. Magnús Pálsson var kallaður Maddi og þessvegna voru skórnir sem hann bjó til kallaðir Maddaskór. Það var talið best að vera í Maddaskóm þegar gengið var yfir Teygingar á Landbrotsafrétti en þar er mikill hraunkargi. Þessa skór gerði Maddi fyrir Hilmar Jónsson (f. 15. 08. 1943; d. 24. 07. 2013) bónda á Þykkvabæ 3 í Skaftárhreppi. Skórnir eru 30 cm á lengd, 9 cm á hæð við hæl en 6,5 cm við tær og breiðastir eru þeir yfir ristina 11,5 cm. Skórnir voru síðast notaðir í afrétti árið 2012.