Skeggbursti
1950 - 1960
Varðveitt hjá
Þjóðminjasafn Íslands
Skeggbursti (rakbursti) með ljósum hárum og skafti úr renndu horni. Skaftið er með skrúfgangi fyrir miðju en ekki er ljóst til hvers það er svona tvískipt. Ef til vill hefur þar mátt geyma lítinn mola af sárasteini (vítissteini / græðisteini) til að stöðva blæðingu ef menn skáru sig við raksturinn. Efst á skafti burstans, við hárin, er krómaður málmhólkur. Slíkir burstar voru notaðir til að bera skeggsápu (raksápu) á andlit fyrir rakstur. Ætla má að burstinn sé frá því um miðja tuttugustu öld. Hann er í góðu ástandi en beinið er þó orðið nokkuð þurrt. Sjá ennfremur rakáhöld nr. Þjms. 2015-45-6.
Gripirnir nr. Þjms. 2015-45 eru allir úr búi séra Hjalta Guðmundssonar og Salome Óskar Eggertsdóttur. Hjalti var lengi prestur við Dómkirkjuna í Reykjavík og Salome starfaði um árabil sem gæslukona í Þjóðminjasafni Íslands. Gefandi er dóttir þeirra hjóna.
Aðrar upplýsingar
Ártal
1950 - 1960
Efni
Safnnúmer
Safnnúmer B: 2015-45-5
Stærð
11 x 2.75 cm
Lengd: 11 Breidd: 2.75 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Skeggbursti