Gleraugnahulstur
Varðveitt hjá
Þjóðminjasafn Íslands
Gleraugu í gylltri umgerð, með sporöskjulaga sjónglerjum. Þau eru í gleraugnahúsi úr málmi sem klædd eru svörtu efni og fóðruð með vínrauðu flaueli. Á loki gleraugnahulstursins hefur verið gyllt merking en hún er nú orðin of máð til að hægt sé að lesa úr henni. Gleraugnahulstrið er orðið eilítið slitið og snjáð en annars eru bæði hulstrið og gleraugun í góðu ástandi. Gleraugun eru kennd við Káinn, Kristján Níels Jónsson skáld (1860-1936) sem var fæddur á Akureyri en fluttist átján ára gamall vestur um haf og bjó þar æ síðan.
Gripirnir nr. Þjms. 2015-45 eru allir úr búi séra Hjalta Guðmundssonar og Salome Óskar Eggertsdóttur. Hjalti var lengi prestur við Dómkirkjuna í Reykjavík og Salome starfaði um árabil sem gæslukona í Þjóðminjasafni Íslands. Gefandi er dóttir þeirra hjóna.
Aðrar upplýsingar
Safnnúmer
Safnnúmer B: 2015-45-4
Stærð
12.8 x 5.3 x 1.3 cm
Lengd: 12.8 Breidd: 5.3 Hæð: 1.3 cm
Aðfangategund
Undirskrár
Undirskrá: Munasafn
Efnisorð / Heiti