Til baka í leit
Veistu meira?

Minningarskjöldur, + tilefni

1939
Varðveitt hjá
Þjóðminjasafn Íslands
 Minningarskjöldur úr silfri, festur á svartan, bólstraðan púða. Fyrir neðan skjöldinn er laufakrans sem sveigist upp beggja vegna skjaldarins sem er sporöskjulaga. Umhverfis púðann, sem er ferhyrndur, er snúin snúra. Að aftan eru leifar snærisspotta sem sýnir að skjöldurinn hefur verið hengdur á vegg. Minningarskjöldurinn er um Guðmund Sæmundsson, klæðskerameistara, en hann var föðurafi gefanda. Efst á skjöldinn er grafin mynd af sól og krossi og þar fyrir neðan stendur: GUÐMUNDUR SÆMUNDSSON KLÆÐSKERAMEISTARI F.5júní 1899 D.15febr. 1939 Kveðja frá starfsfólkinu hjá Vigfúsi Guðbrandssyni & Co Skjöldurinn og púðinn eru í góðu ástandi en mikið er fallið á silfrið. Gripirnir nr. Þjms. 2015-45 eru allir úr búi séra Hjalta Guðmundssonar og Salome Óskar Eggertsdóttur. Hjalti var lengi prestur við Dómkirkjuna í Reykjavík og Salome starfaði um árabil sem gæslukona í Þjóðminjasafni Íslands. Gefandi er dóttir þeirra hjóna.

Aðrar upplýsingar

Ártal
1939
Efni
Safnnúmer
Safnnúmer B: 2015-45-2
Stærð
33.5 x 28.5 cm Lengd: 33.5 Breidd: 28.5 cm
Aðfangategund
Undirskrár
Undirskrá: Munasafn
Efnisorð / Heiti