Til baka í leit
Veistu meira?

Kinga, sem skart- og verndargripur

Varðveitt hjá
Þjóðminjasafn Íslands
 Kinga úr koparblöndu. Kingan er kringlótt, hefur verið tvöföld og í henni hafa væntanlega einhvers konar helgir dómar eða annað verið geymt, en önnur hliðin er nú glötuð. Hliðarskífurnar hafa verið festar á hringlaga umgjörð með brún. Á brúninni eru níu göt og efst er eitt mun stærra gat fyrir keðju sem væntanlega hefur verið til að hengja kinguna um hálsinn. Í gatinu eru enn þrír hlekkir af þessari keðju, sem einnig er úr koparblöndu. Sú hlið kingunnar sem nú fylgir er laus frá. Skífan er gegnskorin og skreytt teinungum, mynstri sem svo þekkt var á Íslandi um aldir, bæði í útskurði, á málmgripum og í lýsingum handrita. Kingan fannst í jörðu í Borgarholti í Eyjahreppi á Snæfellsnesi fyrir mörgum áratugum síðan. Faðir gefanda var þar í sveit þegar hann var drengur. Kingan gæti verið frá 16. eða 17. öld en þó á eftir að aldursgreina hana frekar. Til samanburðar sjá t. d. gripi nr. Þjms. 1993-49 og 7229. Gripirnir nr. Þjms. 2015-45 eru allir úr búi séra Hjalta Guðmundssonar og Salome Óskar Eggertsdóttur. Hjalti var lengi prestur við Dómkirkjuna í Reykjavík og Salome starfaði um árabil sem gæslukona í Þjóðminjasafni Íslands. Gefandi er dóttir þeirra hjóna.

Aðrar upplýsingar

Efni
Safnnúmer
Safnnúmer B: 2015-45-1
Stærð
5.6 x 5 x 0.6 cm Lengd: 5.6 Breidd: 5 Hæð: 0.6 cm
Staður
Staður: Borgarholt, 311-Borgarnesi, Eyja-og Miklaholtshreppur
Aðfangategund
Undirskrár
Undirskrá: Fundaskrá Undirskrá: Fundaskrá_Lausafundir
Efnisorð / Heiti

Upprunastaður

64°48'28.9"N 22°47'6.6"W