Sparibaukur
2006 - 2008
Varðveitt hjá
Þjóðminjasafn Íslands
Sparigrís úr glæru plasti, fremur lítill, merktur „lógói“ (vörumerki) icesave innlánsreikninga Landsbanka Íslands. „Lógóið“ er á fimm límmiðum sem límdir eru á peningabaukinn, fjórir á bak og síðu en einn á rassinn, fyrir neðan rófuna. Rauf fyrir peninga er efst á baki / hrygg. Stafirnir í vörumerkinu eru bláir, grænir, appelsínugulir, rauðbleikir og fjólubláir. Sparigrísinn er ónotaður.
Gripirnir nr. Þjms. 2016-1 eru allir úr gamla Landsbanka Íslands hf., útibúi í Amsterdam í Hollandi, og eru allir merktir icesave.
Icesave var sérsniðin sparnaðarleið sem Landsbanki Íslands hf. bauð upp á fyrir almenning í Bretlandi og Hollandi á árunum 2006-2008. Þetta voru innlánsreikningar sem eingöngu voru aðgengilegir á netinu. Bankinn fór í mikla auglýsingarherferð vegna þeirra og gripirnir nr. Þjms. 2016-1 eru sýnishorn framleiðsluvara þessarar herferðar. Viðskiptavinir urðu um 350.000 talsins en við fall Landsbankans í október 2008 urðu reikningarnir óaðgengilegir. Stjórnvöld í Bretlandi og Hollandi greiddu innistæðueigendum til baka það sem þau höfðu ábyrgst vegna þarlendra banka en í kjölfarið varð hörð milliríkjadeila á milli Íslands og landanna tveggja, eins og frægt er.
Gefandi gripanna er LBI hf. (Gamli Landsbankinn).
Aðrar upplýsingar
Ártal
2006 - 2008
Safnnúmer
Safnnúmer B: 2016-1-2
Stærð
12.5 x 10 x 10.2 cm
Lengd: 12.5 Breidd: 10 Hæð: 10.2 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Sparibaukur
Heimildir