Prjónastokkur
1850 - 1900
Varðveitt hjá
Þjóðminjasafn Íslands
Prjónastokkur, útskorinn á hliðum og á loki. Á lokinu er höfðaletursáletrun:
grooa ions d a st
Þ. e.: Gróa Jónsdóttir á stokkinn
Skurðurinn í hliðum er ólíkur þeim á lokinu. Á hvorri hlið er sveigur sem liggur eftir hliðinni og beggja vegna sveigsins eru skorin lauf. Þetta er sem sagt einhvers konar stílfærður laufsveigur. Stokkurinn er ómálaður og ekki er að sjá að hann hafi nokkru sinni verið málaður. Annars vegar hefur lokið leikið á pinna (þolinmóð) en pinninn er nú glataður. Við hinn endann hefur aukinheldur verið fleygur til að halda stokknum lokuðum en sá fleygur er nú einnig glataður. Lokið hefur með tímanum sveigst eilítið upp á við til beggja enda. Að öðru leiti er stokkurinn í góðu ástandi og útskurðurinn mjög skýr.
Gefandi fékk stokkinn að gjöf frá tengdamóður sinni, Jónu Jónsdóttur, ljósmóður og kennara (f. 1888, d. 1973). Hún var fædd í Skógum í Mjóafirði. Ekki er vitað hver Gróa Jónsdóttir er, sú sem fyrst átti stokkinn, en líklega má ætla að hann sé kominn að austan, þar sem Jóna Jónsdóttir dvaldi stóran hluta ævi sinnar á Austurlandi. Af útliti og leturgerð höfðaletursins að dæma má helst ætla að hann sé frá síðari helmingi nítjándu aldar. Hann virðist í það minnsta ekki eldri en frá nítjándu öld.
Aðrar upplýsingar
Gefandi: Sigrún Árnadóttir
Ártal
1850 - 1900
Efni
Safnnúmer
Safnnúmer B: 2015-6-2
Stærð
28.4 x 3.1 x 3.5 cm
Lengd: 28.4 Breidd: 3.1 Hæð: 3.5 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Prjónastokkur