Möttull
1907
Varðveitt hjá
Þjóðminjasafn Íslands
Möttull úr grænu flaueli, fóðraður með samlitu efni og bryddur í hálsmál, að framan- (á boðöngum) og við fald að neðanverðu með hvítu skinni. Inn í skinnkantinn eru festar, með reglulegu millibili, „doppur“ eða dröfnur úr svörtu skinni. Möttullinn er um 120 cm síður, mældur frá öxl. Hann er kræktur við brjóst með kringlu úr gylltu silfri. Mjög er fallið á málminn. Á kringlunni, sem er útlend smíð, er krossfestingarmynd. Ekki er að sjá neina stimpla á spennunni en þó má vera að þeir leynist á bakhliðinni þar sem ekki er hægt að komast að henni, þar sem hún er saumuð við skinnkantinn hægra megin.
Möttullinn er úr eigu Þórdísar Jensdóttur, dóttur Ólafar Björnsdóttur (Gunnlaugssonar, landmælingamanns) og Jens Sigurðssonar, rektors og alþingismanns. Þórdís var gift Þorvaldi Jónssyni, prófasti á Ísafirði. Möttullinn var saumaður á Þórdísi fyrir konungskomuna 1907. Þórdís var langamma gefanda.
Aðrar upplýsingar
Ártal
1907
Efni
Safnnúmer
Safnnúmer B: 2015-1-2
Stærð
120 x 0 cm
Lengd: 120 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Möttull