Bankaritari

01.01.1918 - 01.01.1920

Varðveitt hjá

Guðjón Halldórsson fæddist í Reykjavík 5. júní 1915. Hann lést á Landakotsspítala 18. febrúar 1998. Foreldrar hans voru hjónin Guðrún Eymundsdóttir húsmóðir, frá Vatnsdalsgerði í Vopnafirði, f. 20.6. 1878, d. 13.6. 1938 og Halldór Sigurðsson úrsmiður, frá Skarðshlíð undir Eyjafjöllum, f. 18.2. 1877, d. 5.7. 1966. Guðjón var sjötti í röð átta systkina. Árið 1929, þá fjórtán ára gamall, hóf Guðjón störf, sem sendisveinn í gamla Íslandsbanka og starfaði síðan sem sendill og bankaritari í Útvegsbankanum, eftir að hann var stofnaður. Fiskveiðasjóður Íslands var lengst af rekinn innan veggja og í tengslum við Útvegsbankann. Guðjón réðst fljótlega til sjóðsins og gegndi þar ýmsum störfum gegnum tíðina. Síðustu árin starfaði hann sem aðstoðarforstjóri. Guðjón vann innan veggja Útvegsbankans í fimmtíu ár og var hann einn örfárra starfsmanna bankans sem náðu svo háum starfsaldri. Guðjón var alla tíð stéttvís maður. Hann stofnaði ásamt fleirum Sendisveinafélagið, sem starfaði um nokkurra ára skeið á árunum í kringum 1930 og var hann formaður þess um tíma. Einnig starfaði hann ötullega að hagsmunamálum bankamanna og var einn af stofnendum Starfsmannafélags Útvegsbankans árið 1933. Hann sat í stjórn félagsins í mörg ár og var síðar kjörinn heiðursfélagi þess. Eftir að Guðjón hætti störfum ritaði hann sögu Starfsmannafélags Útvegsbankans og var hún gefin út 1983. Þá sat Guðjón um árabil í stjórn Sambands íslenskra bankamanna. Guðjón starfaði um áratuga skeið með félaginu Akóg