Bóndi

01.01.1900 - 01.01.1920

Varðveitt hjá

Jón Einarsson, bóndi og meðhjálpari. Hann er fæddur þarna á Yzta-Skála 14. apríl 1838, sonur hjónanna Einars bónda Sighvatssonar og konu hans frú Arnlaugar Sveinsdóttur. Jón var yngsta barn þeirra.1926 Jón Einarsson lést 88 ára gamall. Kristín Björnsdóttir fæddist að Stafafelli í Lóni 3. september 1839. Þar var faðir hennar þá sóknarprestur. — Ung missti hún móður sína. En brátt kvæntist presturinn aftur og gekk að eiga Sólveigu Einarsdóttur. Þannig atvikaðist það, að Kristín ólst upp hjá stjúpu sinni, sem reyndist henni eins og bezta móðir. Milli þeirra ríkti hlýhugur alla tíð, meðan báðar lifðu. Séra Björn Þorvaldsson, faðir Kristínar heimasætu, var prestur í Holti undir Eyjafjöllum á árunum 1862-1874. Systir séra Björns var frú Hólmfríður Þorvaldsdóttir, eiginkona hins kunna stjórnmálamanns í sögu okkar, Jóns Guðmundssonar, ritstjóra Þjóðólfs m.m. Kristín Björnsdóttir og Jón Einarsson, bóndasonurinn á Yzta-Skála giftust 14. júní 1873. Þá var hann hálffertugur að aldri og hún árinu yngri eða 34 ára. Þá settu þau saman bú á Yzta-Skála, en faðir hans brá þá búi 81 árs að aldri. Meðan þau hjón, Jón og Kristín, bjuggu á Yzta-Skála, áttu þau hlut í opnu skipi með nábúa sínum, Einari Jónssyni, bónda þar og hreppstjóra, sem bjó í Miðbænum á Skálatorfunni. Þetta skip var áttæringur og hét Kristbjörg. Áttæringurinn Kristbjörg reyndist jafnan mikið happaskip og kom oft að landi við Eyjafjallasand hlaðið vænum færafiski á vetrarvertíðum, þegar ládeyða var við Sandinn og logn um allan sæ, og fiskurinn gekk í torfum fram með ströndinni. Hjónin frú Kristín Björnsdóttir og Jón bóndi Einarsson eignuðust fjögur börn. Þau hétu: Halldóra, Gísli, Sveinn og Björn. Hjónin fluttu frá Yzta-Skála til Vestmannaeyja árið 1908. Þá voru þau um sjötugt og höfðu búið á Skálajörðinni í 25 ár. Bæði voru þau þá orðin þreytt og vinnulúin. Jón bóndi hafði ávallt verið mikill eljumaður við bústörfin. Hann gegndi einnig meðhjálparastarfinu í sókninni um árabil. Frú Kristín Björnsdóttir lézt í Hlaðbæ hjá dóttur sinni 19. marz 1924, 85 ára að aldri.