Bifreið
1927 - 1930
Varðveitt hjá
Þjóðminjasafn Íslands
Snjóbíll af gerðinni Citroën-Kegresse, árgerð1927-1930. Smíðaður í Frakklandi, yfirbygging íslensk. Bíllinn er samsettur úr tveimur bílum. Meira telst þó vera úr bíl sem notaður var á Holtavörðuheiði, og síðar norður í Þingeyjarsýslu en hlutar eru úr yngri bíl sem kom sunnan úr Keflavík. Hann er grár að lit.
Rússneskur hugvitsmaður hóf árið 1906 að gera tilraunir með faratæki, sem gætu farið í snjón jafnt sem á vegi, og lauk hann tilraun sinni árið 1916. Hann flýði til Frakklands í byltingunni og varð uppfinning hans síðan til þess að smíðaðir voru „skriðdrekar“ á beltum. Árið 1921 var snjóbíllinn smíðaður eftir frá þeirri uppfinningu og ar hann reyndur í snjó og einnig á sandflákum Sahara-eyðimerkurinnar.
Bílarnir voru á beltum að aftan, en framhjólin gengu gegnum skíði, og sleði var undri bílnum að framan. Á bílum, sem notaðir voru á sandauðnum var stór rúlla fremst í stað skíða.
Jónas Jónsson frá Hriflu frétti af þessari uppfinningu og lagði til í grein árið 1926 að fá hingað slíka bíla til ða nota að vetrarlagi á fjallvegum „meðan járnbrautarmálið liggur í þagnargildi. “ Jónas flutti síðan tillögu á alþingi 1927 um að kaupa slíka bifreið til reynslu.
Í árslok voru keyptar þrjár til viðbótar, ein af þeim flutningabíll. Voru snjóbílarnir notaðir til fólsflutninga yfri Hellisheiði, Holtavörðuheiði og á Fagradal. Tóku fólksbílarnnir 9 farþega en flutningabíllinn 1,5 smálestir af vörum og var hann einkum notaður til mjólkurflutninga yfir Hellisheiði. Bílarnir komu húslausir, kostuðu þannig um 17. Þus. Krónur en yfirbyggðir um 20 þúsund. Citroën vélarnar reyndust ekki nógu sterkarog því voru brátt settar í þá Ford-vélar og gírkassi.
Vegagerð ríkisins notaði bílana fram undir 1950, en síðan voru þeir seldir. Þessi bíll mun vera sá, sem lengst var á Holtavörðuheiði, hafði þá skráningarnúmerið M-69. Hann var síðast norður í Köldukinn í Þingeyjarsýslu en frá Húsavík fékk Þjóðminjasafnið bílinn 1979.
Skráð eftir dagbók og minnisblöðum Þórs Magnússonar í munasafni.
Aðrar upplýsingar
Páll Sigurðsson, Notandi
Ártal
1927 - 1930
Safnnúmer
Safnnúmer B: 2015-76
Staður
Staður: Fornihvammur, Borgarbyggð
Aðfangategund
Undirskrár
Undirskrá: Munasafn
Upprunastaður
64°54'7.4"N 21°11'34.7"W