Hestasláttuvél
Varðveitt hjá
Þjóðminjasafn Íslands
Hestasláttuvél af gerðinni Herkúles frá því um 1910. Hún er því með elstu vélum af þeirri gerð sem varðveist hafa hér á landi.
Vélin er ekki alveg heil en það sem til er er í góðu ástandi.
Á minnisblað um vélina skrifaði Þór Magnússon þjóðminjavörður að hann hafi farið1. ágúst 1971 með Erlendi Halldórssyni frá Villingaholti að Grund í Villingaholtshreppi. ,,þar býr gamall maður, Jón Gunnarsson að nafni, og á hann elztu sláttuvélina, sem vitað er um í sýslunni. Hann lét okkur hafa vélina og hirtum við hana. Hún er Herkules, frá Arvika-värken í Svíþjóð, talin keypt um 1910. Jón fékk hana um 1930 og sló með henni í um 10 ár. Áður var hún á einhverjum nágrannabæjum. - Slegið var með henni einhesta, og lánaði hann mér mynd af Krumma, dráttarhesti sínum, með hana í togi. Þar situr Jón á vélinni, enn annars gekk hann alltaf á eftir henni svo að hún væri léttari í drætti fyrir klárinn.
Þarf að hreinsa vélina upp og smíða á hana tréverkið að nýju. Það var allt ónýtt. Vélin getur orðið hinn bezti sýningargripur."
Erlendur reif vélina í sundur en þar við sat.
Aðrar upplýsingar
Gefandi: Jón Gunnarsson
Efni
Safnnúmer
Safnnúmer B: 1972-104
Staður
Staður: Grund, 801-Selfossi, Flóahreppur
Aðfangategund
Undirskrár
Undirskrá: Munasafn
Efnisorð / Heiti
Upprunastaður
63°52'3.3"N 20°46'8.0"W