Biskup

01.01.1925

Varðveitt hjá

Fólk stendur á tröppum Ísafjarðarkirkju. Prestvígsla sumarið 1925. Schultz Lorentsen vígði þar Abel Lars Seier Abelsen prest á Grænlandi. Jónmundur Halldórsson stendur í prestskrúða lengst til vinstri, vinstra megin í tröppunum með kúluhatt stendur Páll Ólafsson prestur í Vatnsfirði og Sigurgeir Sigurðsson síðar biskup stendur með pípuhatt efst í tröppunum. Heimskautsfarið Gustav Holm lagðist að Ísafjarðarbryggju í ágúst 1925 með stóran hóp Grænlendinga sem átti að flytja norður til Scorebysunds, en Danir ákváðu að flytja hóp Grænlendinga þangað til að tryggja dönsk yfirráð á svæðinu. Hópurinn kom frá Ammassalik til Ísafjarðar og varði heimsóknin í þrjá og hálfan sólarhring þar sem sóttar voru vetrarvistir áður en haldið var norður á bóginn.