Glas, til drykkjar
1930 - 1950
Varðveitt hjá
Þjóðminjasafn Íslands
Kanna og tilheyrandi 6 glös, öll steypt úr grænu (glæru) gleri. Hvert glas virðist vera sett saman úr fjórum, steyptum hlutum: botninn og hliðarnar úr þremur hlutum og svo er barmurinn festur ofaná í einu lagi. Glösin og kannan eru símynstruð. Kannan virðist vera fest saman úr þremur, steyptum hlutum. Samskeyti sjást vel bæði á glösunum og á könnunni. Áberandi mikið er af loftbólum í glerinu, misstórum. Glösin eru 10 cm há, 8,7 cm víð efst og botninn 6,2 cm í þvermál. Kannan er 18,8 cm há, tæplega 14 cm víð að ofan og fóturinn 9,5 cm í þvermál. Eilítið hefur kvarnast úr neðanverðum fæti könnunnar, annars virðast gripirnir vera í mjög góðu ástandi. Þau voru notuð til fjölda ára á kaffistofu starfsmanna Leikfélags Reykjavíkur meðan það var til húsa í Iðnó. Í einhver fáein skipti, í seinni tíð, hafa þau (eða valin eintök) verið notuð sem leikmunir. Aðalheiður Jóhannesdóttir, sem nýlega hætti störfum hjá Leikfélaginu, hóf störf í Iðnó árið 1960 og að hennar sögn höfðu glösin og kannan þá verið lengi í notkun.
Aðrar upplýsingar
Ártal
1930 - 1950
Efni
Safnnúmer
Safnnúmer B: 2013-59
Aðfangategund
Undirskrár
Undirskrá: Munasafn
Efnisorð / Heiti