Veggteppi

1969

Varðveitt hjá

Veggteppi með mosagrænum grunni og í það saumaðar myndir af sýslu- og kaupstaðarmerkjum landsins. Landvættir í hornum og neðst tvö af merkjum skólans (fyrir og eftir 1958). Á jöðrunum stendur: "Sá guð sem oss gaf landið og lífsins kosta val, hann lifir í því merki sem fólkið gera skal." Efst stendur svo "Manntak, mannvit, manngöfgi" og neðst: "Sigrún/Þórarinn gerðu 1969-70". Teppið gerðu hjónin Sigrún Sigurþórsdóttir og Þórarinn Þórarinsson og gáfu skólanum á hálfrar aldar afmæli hans árið 1969. Teppið hékk í hátíðarsalnum. Teppið er saumað með gobelínsaumi í Álafossklæði. Bandið er íslenskt og litað með jurtalitum. Sigrún saumaði en Þórarinn teiknaði mynstrin.