Rúmfjöl

1888

Varðveitt hjá

Í miðju og á endum eru skornar hringmyndaðar rósir. Jafnframt er skorið í fjölina: "S.Ó.P.Á.F. 1888". Rúmfjölin var keypt af Sigurrós Gísladóttur, einsetukonu á Hraunum hjá Hóli í Breiðdal ( f. 22.09.1875, d. 1965.) ásamt 5 öðrum gripum sem kostuðu samtals 70.00 kr. Fangamarkið á fjölinni á ekki við hana, trúlega er hér um karlmannsnafn að ræða. Sigurrós var dóttir Gísla Erlendssonar bónda í Gautavík og Krossgerði og Sigurlaugar Sigurðardóttur (launbarn). Sigurrós fór snemma í vist og var á ýmsum bæjum í Breiðdal, lengst á Hóli en síðustu ár ævi sinnar, um 35 ár, bjó hún ein í kofa sem hún reisti þar skammt frá. Fjölin getur því verið komin víða að, þó að flest spjót beinist að Hóli.