Til baka í leit
Veistu meira?

Kistill, + hlutv.

1861 - 1910
Varðveitt hjá
Minjasafn Austurlands
Grænn kistill. Aðalhólf hans er tvískipt og efra hólfið (sem tekið er uppúr) er allt hólfað niður í lítil hólf sem hvert og eitt er með flutningaloki. Upp úr lokunum gengur renndur pinni úr beini (líklega hrosslegg). Í miðju eru þrjú hólf án loka en niðri í miðhólfinu er lítill kassi sem líklega er ætlaður undir skartgrip. Til hliðar við þessi þrjú hólf eru fjögur hvoru megin og stendur á lokunum (málað á) "No. 1. til 8". Í loki kistilsins er einnig hólf.  Kistilinn smíðaði Ríkharð Þórólfsson fyrir seinni konu sína Guðrúnu Guðmundsdóttur húsfreyju og ljósmóður í Húsey í Hróarstungu og víðar. Guðrún fæddist árið 1831 á Brimnesi í Fáskrúðsfirði, dóttir hjónanna Guðmundar Magnússonar bónda og Margrétar Pétursdóttur húsfreyju. Ríkharð fæddist árið 1829 í Árnagerði í Fáskrúðsfirði. Hann var bóndi, hreppstjóri og trésmiður í Árnagerði, - síðar á Höfða á Völlum (1864 -69), á Galtastöðum fram í Hróarstungu (1869), í Másseli í Jökulsárhlíð (1880) á Uppsölum í Eiðaþinghá (1888-90) á Svínafelli í Hjaltastaðaþingá (1890-93?) og í Húsey í Hróarstungu þar sem hann lést árið 1910. Fyrri kona Ríkharðs var Guðný Eiríksdóttir (f. 30. des. 1824, d. 18. apríl 1860). Börn þeirra voru Þórólfur (8. ágúst 1852, d. 30. júlí 1934) og Þórunn Elsabet (f. 15. júlí 1856, d. 20. jan. 1861) Guðrún og Ríkharð giftust 29. júlí 1861. Börn þeirra voru: a) Þórdís Þórunn f. 4. des 1862, b) Margrét, f. 5. nóv. 1864 c) Ólafur, f. 22. apríl 1867, og d) Ingigerður f. 16 mars 1870.Þórunn dóttir þeirra var húsfreyja í Höfn í Melasveit frá 1898 til æviloka (d.3. ágúst 1958), gift Torfa Péturssyni Sivertsen bónda þar ( f. 7. des. 1865 d. 17. nóv 1908).Guðrún fluttist á efri árum til dóttur sinnar í Höfn og hafði með sér kistil þennan. Í kistlinum geymdi hún ýmsa smáhluti og sendibréf. Dóttursonur hennar, Pétur Torfason, bóndi í Höfn (f. 25. des. 1900 d. 11 mars 1988) gaf byggðasafninu í Görðum á Akranesi kistilinn 28. ágúst 1958 og hlaut hann þar safnnúmerið 1959/1129 Kistillinn var áður varðveittur á Byggðasafninu í Görðum til ársins 1996 þegar hann var færður Minjasafni Austurlands í tilefni af opnun Safnahússins.   

Aðrar upplýsingar

Ártal
1861 - 1910
Efni
Safnnúmer
Safnnúmer A: MA Safnnúmer B: 2010-80
Stærð
7.5 x 31.5 x 21 cm Lengd: 7.5 Breidd: 31.5 Hæð: 21 cm
Staður
Staður: Húsey 1, 701-Egilsstöðum, Múlaþing
Sýningartexti
Kistill Guðrúnar Guðmundsdóttur húsfreyju og ljósmóður í Húsey í Hróarstungu og víðar. Guðrún var fædd 23. febrúar 1831 (eða 1830 ?) á Brimnesi í Fáskrúðsfirði ?, en lést 22. desember 1917 í Höfn í Melasveit. Foreldrar hennar voru Guðmundur Magnússon bóndi á Brimnesi og kona hans, Margrét Pétursdóttir, húsfreyja.Guðrún var seinni kona Ríkharðs Þórólfssonar bónda, hreppstjóra og trésmiðs í Árnagerði í skrúðsfirði, - síðar á Höfða á Völlum (1864 -69), á Galtastöðum fram í Hróarstungu 1869.), í Másseli í Jökulsárhlíð (1880) á Uppsölum í Eiðaþinghá (1888-90) á Svínafelli í Hjaltastaðaþingá ( 1890-93 ?) og í Húsey í Hróarstungu ( 1893 ? 189.? ) Ríkharð var fæddur 16. október 1829 í Árnagerði, en lést 21. des. 1919 í Húsey. Var að almenningsáliti talinn sonur sr. Ólafs Indriðasonar á Kolfreyjustað og Áfurðulíkur Páli Ólafssyni skáldi í sjón og á vöxt. Guðrún og Ríkharð giftust 29. júlí 1861. Börn þeirra voru: a) Þórdís Þórunn f. 4. des 1862, b) Margrét, f. 5. nóv. 1864 c) Ólafur, f. 22. apríl 1867, og d) Ingigerður f. 16 mars 1870.Þórunn dóttir þeirra var húsfreyja í Höfn í Melasveit frá 1898 til æviloka (d. 3. ágúst 1958), gift Torfa Péturssyni Sivertsen bónda þar ( f. 7. des. 1865 d. 17. nóv 1908).Guðrún fluttist á efri árum til dóttur sinnar í Höfn og hafði með sér kistil þennan, sem Ríkharð maður hennar hafði smíða og gefið henni. Í kistlinum geymdi hún ýmsa smáhluti og sendibréf. Dóttursonur hennar, Pétur Torfason, bóndi í Höfn (f. 25. des. 1900 d. 11 mars 1988) gaf byggðasafninu í Görðum á Akranesi kistilinn 28. ágúst 1958 og hlaut hann safnnúmerið 1959/1129 Að beiðni Gunnlaugs Haraldssonar, fv. forstöðumanns Byggðasafnsins í Görðum, samþykkti framkvæmdastjórn safnsins á fundi sínum hinn 7. maí 1996 að færa Minjasafni Austurlands kistilinn að gjöf í tilefni opnunar nýs safnahúss á Egilsstöðum 25. s.m. Fer vel á því að þessi gripur komist með þeim hætti að nýju á heimaslóðir og verði varðveittur þar eftirleiðis. Kistlinum fylgja heillaóskir til stjórnar og starfsfólks Minjasafns Austurlands svo og Austfirðinga allra á merkum tímamótum frá undirrituðum og stjórn Byggðasafnsins í Görðum - með von um farsælt starf um framtíð alla. Þór Magnússon þjóðminjavörður mun afhenda kistilinn f.h. stjórnar Byggðasafnsins í Görðum. Akranesi, 20 maí 1996 Gunnlaugur Haraldsson (sign) P.s: Nokkur sendibréf til Guðrúnar Guðmundsdóttur og Þórunnar R. Sivertsen (m.a. Vesturheimsbréf frá frændum þeirra og vinum af Austurlandi) eru varðveitt í Byggðasafninu í Görðum og verða sömuleiðis afhent Héraðsskjalasafninu á Egilsstöðum þegar færi gefst, skv. ákvörðum stjórnar safnsins frá 7. mai 1996
Aðfangategund
Undirskrár
Undirskrá: Almenn munaskrá
Efnisorð / Heiti

Upprunastaður

65°37'57.7"N 14°16'35.9"W