Koddaver

1950 - 1960

Varðveitt hjá

Koddaver, saumað úr sykurpoka, eins og algengt var á skömmtunarárunum um og uppúr miðbiki tuttugustu aldar. Sykur- og hveitipokar voru vinsælir á þessum árum og voru notaðir í rúmfatnað og ýmsan annan fatnað. Oft mynduðust raðir við bakhurðir bakaría þar sem húsmæður biðu eftir pokum. Þá þótti gott að þekkja einhvern sem vann í bakaríi og gat orðið manni úti um poka. Stafirnir, sem prentaðir voru á pokann, sjást enn á koddaverinu, en oftast voru áletranirnar þvegnar og hreinsaðar af pokunum áður en saumað var úr efninu. Áletrunin er orðin mjög máð og virðist annað hvort hafa smitast eða verið illa stimpluð á frá upphafi. Með samanburði við myndir á veraldarvefnum af slíkum pokum má þó sjá að þessi poki hefur verið merktur: PURE CANE GRANULATED SPECIALLY REFINED FOR GALBAN LOBO TRADING COMPANY S.A. HAVANA CUBA Koddaverið kom ásamt öðrum fatnaði inn til Hjálparstarfs kirkjunnar en ekki er vitað hvaðan. Sú sem kom auga á koddaverið þar hetir Rannveig, en Elsa Sveinsdóttir afhenti það til safnsins. Þær starfa báðar fyrir Hjálparstarf kirkjunnar. PURE CANE GRANULATED

Aðrar upplýsingar

Gefandi: Hjálparstarf kirkjunnar

Ártal

1950 - 1960

Efni

Lífræn efni, Textíll, Náttúruleg vefjarefni, Bómullarefni

Safnnúmer

Safnnúmer B: 2013-98

Stærð

72 x 49.5 cm Lengd: 72 Breidd: 49.5 cm

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Koddaver