Minningartafla, í kirkju

1800

Varðveitt hjá

Tafla úr tveimur rekaviðarfjölum, svartmáluðum í gylltum tréramma. Áletrunin gyllt. Orðin máð. Taflan er til minningar um Bergljótu Jónsdóttur, 41 árs. Áletrun á minningartöflu Bergljótar Jónsdóttur: "Minning réttlátra blífur í blessun. Hér lagðist hulið mold í helgan guðsakur. Burtferðar búið hold Bergljótar Jónsdóttur. Blómin kvendyggða kær kvaddi heims armæðu eftir lífs enduð ár eitt og fjörutíu. En seytján öldum mér ártal reiknast þá. Ein sex og tvennir tugir Guðs burði frá. Hvild sælu huggun fríð, hún Jesú faðmi í. Numin frá sorg og neyð, níunda ágúst í. Vald dauðans voða meins visna lét blómstur það. Seint mestur annað eins uppkomu í þessum stað. Hún lifði hér ástsæl hugljúfi frelsarans. Góð öllum Guði indæl, gleði sín ekta manns. Hennar sál himni á hrein lifir fagnandi. En lifa mun og má minning á jörðinni. Lát oss svo lifa hér lífsins hertogi skær. Að lifum þá hjá þér þetta líf enda fær." Tekið úr Múlaþingi no 31. 2004 eftir Sigurð Ragnarsson. "Bergljót var önnur kona Hjörleifs Þórðarsonar prests á Hallormsstað. Hún var fædd 1705 og dáin 9.8.1746 og var dóttir séra Jóns Gottormssonar f. 1676, d. 1731 og konu hans Margrétar Þórarinsdóttur f. 1669 sem sátu Hólma í Reyðarfirði. Bergljót og Hjörleifur áttu fjögur börn. Þau voru Guttormur sýslumaður á Skeggjastöðum í Fellum, Þórð bónda á Skjöldólfsstöðum á Jökuldal, Margrét á Krossi í Landeyjum og Sigríði prestmaddömu á Valþjófsstað." (Bergljót var amma Jóns Vefara sem mikill fjöldi Héraðsmanna er komin út af.) Líklega kemur taflan til safnsins á fyrstu dögum þess ef hún hefur verið í kirkjunni á Hallormsstað því hún var lögð niður 1895 og rifin 1910. Munir kirkjunnar muna hafa farið í Þingmúla og í Vallanes en ekki er vitað hver eða hverjir hafa afhent safninu hana. Líklegt er að hún hafi verið gerð í Kaupmannahöfn og nú í lélegu ástandi.