Kjóll
1998
Varðveitt hjá
Þjóðminjasafn Íslands
Síður kjóll með batikmynstri, í hvítum, bláum, rauðum og gulum litum. Hann er með einskonar kyrtilsniði og fóður er ljósfjólublátt. Hann er smelltur að framan frá hálsmáli með þremur litlum smellum. Að að framanverðu er kjóllinn orðinn eilítið upplitaður, frá brjósti og uppúr. Gefandi, Bryndís Schram, segir í meðfylgjandi bréfi:
„Þessi litríki og fallegi kjóll er hannaður af listakonunni Sigrúnu Jónsdóttur árið 1998. Í nóvember það ár var Sigrúnu boðið að halda sýningu á verkum sínum í anddyri Library of Congress í Washington D.C.
Hún kom vestur og við hjálpuðumst að við að koma verkum hennar fyrir í glæsilegu umhverfi. Þetta var mikil hátíð og margir viðstaddir. Á eftir var efnt til móttöku í sendiherrabústaðnum við Kalorama stræti.
Sigrún færði mér kjólinn að gjöf þennan sama morgun og ég klæddist honum heima síðdegis og svo oft við svipuð tækifæri. Hún útskýrði fyrir mér, að þetta væri hennar útgáfa eða hugmynd að íslenska þjóðbúningnum. Hatturinn var tilkomumikill, en ég var hálffeimin við að bera hann. Hann er því miður týndur, eða kannski varð hann eftir í Ameríku.
Kjóllinn er listaverk og einstakur. Það er vel við hæfi að varðveita hann meðal annarra íslenskra gersema á viðeigandi safni, til minningar um mikilhæfa listakonu.
Með innilegri þökk,
Bryndís Schram“
Með kjólnum fylgdu þrjár ljósmyndir af Bryndísi í kjólnum. Með henni á myndunum eru:
1. Sigríður Jóhannesdóttir myndlistarkona, Sigrún Jónsdóttir, Þórhildur Ellertsson húsmóðir og Mats Wibe Lund ljósmyndari (Bryndís, Sigríður og Þórhildur eru allar í kjólum eftir Sigrúnu Jónsdóttur).
2. Sigrún Jónsdóttir, lengst til hægri. Ekki er vitað hver konan til vinstri er.
3. Mynd tekin á svölunum. Þar sjást hjónin Erlingur og Þórhildur Ellertsson. Bryndís ber þar höfuðbúnaðinn.
Aðrar upplýsingar
Ártal
1998
Safnnúmer
Safnnúmer B: 2013-16
Stærð
150 x 0 cm
Lengd: 150 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Kjóll