Til baka í leit
Veistu meira?

Munir

1940 - 1970
Varðveitt hjá
Þjóðminjasafn Íslands
 Snittuspaði, sagður gerður í tilefni af 25 ára afmæli Sambands íslenskra bakara. Skaftið er símynstrað, með teinungamynstri, jónískum súluhöfðum, kransi og innan hans upphafsstöfunum SEB (stöfum sambandsins)* og á enda skaftsins er kringla. Á bakhlið skaftsins er grafið: 25 ára. Inns við blaðið er stimpill, GAM í rísandi sól, sem er stimpill Guðlaugs Aasberg Magnússonar og Gull- og silfursmiðjunnar Ernu sem Guðlaugur stofnaði árið 1947. Spaðinn er í mjög góðu ástandi. Hann var í eigu Björgvins Friðrikssonar bakara sem gaf síðan foreldrum gefanda spaðann. Hann er 14,7 cm langur og blaðið er 4,4 cm breitt þar sem það er breiðast, en það mjökkar lítillega er framar dregur. *Ekki hafa fundist heimilidir um Samband íslenskra bakara. Það hljómar undarlega að stafirnir SEB eigi að standa fyrir Samband íslenskra bakara. Hugsanlega hafa samtökin borið eitthvert annað nafn. Þetta þarf að skoða nánar. *„SEB stendur fyrir Sultu og efnagerð bakara. Enn er verið að framleiða undir því merki [...]. Aðilinn sem keypti SEB 1989 rekur fyrirtækið enn og er að fagna 30 ára afmæli núna í nóvember.“ (ábending frá: ÁBOB 2019). Gripirnir númer Þjms. 2013-18 eru allir úr eigu foreldra og formæðra og forfeðra gefanda en hafa lengi fylgst að hjá henni.

Aðrar upplýsingar

Ártal
1940 - 1970
Efni
Safnnúmer
Safnnúmer B: 2013-18-7
Stærð
14.7 x 4.4 cm Lengd: 14.7 Breidd: 4.4 cm
Aðfangategund
Undirskrár
Undirskrá: Munasafn