Staup
1750
Varðveitt hjá
Þjóðminjasafn Íslands
Silfurstaup, fremur stórt, á þremur stöppuðum kúlufótum með upprunalegri gyllingu að innanverðu. Að utanverðu er staupið símynstrað og á einum stað er grafinn hringur með spegilfangamarki í: MSS. Ekki er vitað hverjum það fangamark tilheyrði en gefandi telur staupið geta hafa verið í ætt Þorleifs smáskammtalæknis í Barnarhöfn, en hún er sjálf af þeirri ætt komin. Staupið er eftir Sigurð Þorsteinsson, gullsmið í Kaupmannahöfn. Á botni þess eru fjórir stimplar: smiðsstimpillinn STS 1746; Kaupmannahafnarstimpill (þrír turnar) og ártalið 1750; F (silfurvarðastimpill Christopher Fabritius); og stimpill tvíburamerkisins (22.5.-21.6.). Staupið er í fremur góðu ástandi. Þó hefur það rifnað á einum stað við barminn (að framanverðu) og kúlufæturnir hafa þrýstst nokkuð upp í botninn. Við einn fótinn hefur einhvern tíma komið rifa og þar má sjá gamla viðgerð, bæði í botni staupsins og á sjálfum kúlufætinum. Staupið hallar lítillega en þar sem það er hæst er það 6,4 cm hátt og mesta þvermál við barm er 6,6 cm.
Gripirnir númer Þjms. 2013-18 eru allir úr eigu foreldra og formæðra og forfeðra gefanda en hafa lengi fylgst að hjá henni.
Aðrar upplýsingar
Ártal
1750
Efni
Safnnúmer
Safnnúmer B: 2013-18-1
Stærð
6.4 x 6.6 cm
Lengd: 6.4 Breidd: 6.6 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Staup