Hjólbörur

Varðveitt hjá

Ryðrauðar. Líklega danskar, notaðar við steypuvinnu þegar verið var að byggja Gunnarshús á Skriðuklaustri. Seldar á uppboði þegar Gunnar flutti 1948 og keyptar í Hús í Fljótsdal af Sigmari Péturssyni sem afhenti þær Helga Hallgrímssyni í þeim tilgangi að þeim yrði komið á safnið.

Aðrar upplýsingar

Gefandi: Helgi Hallgrímsson

Efni

Ólífræn efni, Málmur, Járn

Safnnúmer

Safnnúmer A: MA Safnnúmer B: 1996-143

Staður

Staður: Hús - Brekkugerðishús, Fljótsdalshreppur

Sýningartexti

Á grunnsýningu 1996-2005: Járnsmiðja og hjólbörur frá Skriðuklaustri Hið mikla og sérkennilega hús Gunnars skálds og Franziscu var byggt að Skriðuklaustri á 4-5 mánuðum sumarið 1939. Allt að 30 manns unnu við bygginguna, oftast 10 tíma á dag. Húsið er steinsteypt og grjóti hlaðið í útveggi að utanverðu. Öll steypan var hrærð með handverkfærum og ekið í hjólbörum í mótin, eftir mjóum vinnupöllum og plankabrúm. Gera má sér í hugarlund hversu þungar þær voru, þegar búið var að fylla þær af steypu. Gunnar flutti inn ýmis verkfæri til byggingarinnar frá Danmörku, því hér var lítið úrval af slíku, þar á meðal nokkrar hjólbörur úr járni og smiðjuna trúlega líka. Börurnar voru seldar á uppboði þegar Gunnar hættir búskap á Klaustri 1948. Bárust safninu í gegnum Helga Hallgrímsson. Smiðjuna keypti Oddur Kristjánsson, Hafursá, og þaðan barst hún gefanda, Stefáni Jónssyni, Freyshólum. MA 143/1996 MA485/1996.

Aðfangategund

Munir

Undirskrár

Undirskrá: Almenn munaskrá

Efnisorð / Heiti

Efnisorð: Hjólbörur

Upprunastaður

65°6'17.0"N 14°48'41.7"W