Tóbakspungur

1901

Varðveitt hjá

Byggðasafn Skagfirðinga

Tóbakspungur úr mórauðu vaðmáli - ullardúk, þriggja hliða. Lengd 23 cm. Mesta breidd 12 cm. Settur ljósum snúrum með dúskum á. Dreginn saman í „hálsinn". Útsaumaður með mislöngu spori á allar hliðar. Ein með blómamynstri í gulum, rauðum, ljósum og grænum litum. Ein hliðin er með ártalinu 1901 í gulum lit og sú þriðja með upphafsstöfunum JS, fallega samanvöfðum í gulum lit. Ekki oft verið notaður undir tóbak. Gefandi er Guðlaug Arngrímsdóttir í Litlu-Gröf. Hún sagði punginn hafa verið í eigu móður sinnar Sigríðar Benediktsdóttur (prests Vigfússonar á Hólum). Guðlaug vissi ekki hvaðan hún hafði fengið punginn en hann hefur ekki oft verið notaður undir tóbak.