Aðrar upplýsingar
Kyn / Fæðingarár heimildarmanns
Kona (1933)
Ártal
Sent dags: 09.03.2015
Safnnúmer
Safnnúmer B: 2015-1-110
Staður
Núverandi sveitarfélag: Borgarbyggð, Borgarbyggð
Spurningaskrá / Svör
Allar spurningar
Því miður get ég lítið skrifað um ömmur mínar, því þær dóu báðar áður en ég fæddist.
Föðuramma mín Guðrún Hallfríður Jónsdóttir var fædd 20. Janúar 1863 á Síðumúla Hvítársíðu dáin 22.sept 1904 úr lungngabólgu frá þremur ungum börnum. Hún bjó þá á Úlfsstöðum.
Menntun kvenna á þessum árum var ekki mikil. Umfram allt áttu þær að kunna að vinna úr ull í fat og úr mjólk í mat. Flestum börnum var þó kennt að lesa, en ekki áttu þó allir kost á því að læra að draga til stafs og urðu því oft stúlkubörnin útundan.
Móðuramma mín Valgerður Jónasdóttir fæddist 14.júlí 1884 á Óspaksstöðum Hrútafirði dáin 15.mai 1928. Hún missti föður sinn ung og var þá heimilið leyst upp og ólst hún upp hjá vandalausum. Í hjónabandi sínu eignaðist hún 13 börn svo oft hefur hún þurft að taka til hendinni. Hún bjó á Litla-Hvammi í vestur Húnavatnssýslu. Móðir mín dáði hana mjög.
Stjúpamma mín Guðbjörg Pálsdóttir var fædd 13. Júní 1868 dáin 11.des 1957. Hún ólst upp í einhverju hjáleigukotinu við Odda á Rangárvöllum við mikla fátækt.
Hún giftist afa mínum 29.okt 1910. Hún var mjög söngvin og kenndi okkur mörg lög og ljóð. Ég minnist þess að við systur heimsóttum hana í gömlu baðstofuna og við sungum saman í rökkrinu. Einnig þegar við áttum leið upp í Gamla bæinn þá fengum við kandísmola eða pönnuköku.
Guðbjörg eða „Bögg“ eins og við systur kölluðum hana, var mjög lagin við veikar skepnur. Hún var oft sótt til að hjálpa skepnum við burð.
Seinna þegar hún var flutt í hús foreldra minna, var oft tekið í spil. Þá var spilaður „Lander“ sem ég hef nú fyrir löngu gleymt hvernig er.
Ekki veit ég hvort hún fékk tilsögn í skrift. Þegar hún var barn, en læs var hún. Að vinna ull í fat og mjólk í mat kunni hún vel. Mér fannst oft gaman að horfa á hana vinna úr ullinni, að skilja þelið frá og spinna það í örfínan þráð í rokknum.
Góðar kveðjur.
Því miður get ég lítið skrifað um ömmur mínar, því þær dóu báðar áður en ég fæddist.
Föðuramma mín Guðrún Hallfríður Jónsdóttir var fædd 20. Janúar 1863 á Síðumúla Hvítársíðu dáin 22.sept 1904 úr lungngabólgu frá þremur ungum börnum. Hún bjó þá á Úlfsstöðum.
Menntun kvenna á þessum árum var ekki mikil. Umfram allt áttu þær að kunna að vinna úr ull í fat og úr mjólk í mat. Flestum börnum var þó kennt að lesa, en ekki áttu þó allir kost á því að læra að draga til stafs og urðu því oft stúlkubörnin útundan.
Móðuramma mín Valgerður Jónasdóttir fæddist 14.júlí 1884 á Óspaksstöðum Hrútafirði dáin 15.mai 1928. Hún missti föður sinn ung og var þá heimilið leyst upp og ólst hún upp hjá vandalausum. Í hjónabandi sínu eignaðist hún 13 börn svo oft hefur hún þurft að taka til hendinni. Hún bjó á Litla-Hvammi í vestur Húnavatnssýslu. Móðir mín dáði hana mjög.
Stjúpamma mín Guðbjörg Pálsdóttir var fædd 13. Júní 1868 dáin 11.des 1957. Hún ólst upp í einhverju hjáleigukotinu við Odda á Rangárvöllum við mikla fátækt.
Hún giftist afa mínum 29.okt 1910. Hún var mjög söngvin og kenndi okkur mörg lög og ljóð. Ég minnist þess að við systur heimsóttum hana í gömlu baðstofuna og við sungum saman í rökkrinu. Einnig þegar við áttum leið upp í Gamla bæinn þá fengum við kandísmola eða pönnuköku.
Guðbjörg eða „Bögg“ eins og við systur kölluðum hana, var mjög lagin við veikar skepnur. Hún var oft sótt til að hjálpa skepnum við burð.
Seinna þegar hún var flutt í hús foreldra minna, var oft tekið í spil. Þá var spilaður „Lander“ sem ég hef nú fyrir löngu gleymt hvernig er.
Ekki veit ég hvort hún fékk tilsögn í skrift. Þegar hún var barn, en læs var hún. Að vinna ull í fat og mjólk í mat kunni hún vel. Mér fannst oft gaman að horfa á hana vinna úr ullinni, að skilja þelið frá og spinna það í örfínan þráð í rokknum.
Góðar kveðjur.
Spurningaskrá
Aðfangategund
Efnisorð / Heiti