Faldur
1911
Varðveitt hjá
Þjóðminjasafn Íslands
Skautfaldur af hefðbundinni gerð, saumaður úr hvítu lérefti. Yfir honum er faldhúfa úr hvítu satínefni. Í faldinn er festur hárkambur til að fá hann til að tolla betur við hár þess er bar skautið. Ekki er vitað hver saumaði faldinn.
Allir gripirnir númer Þjms. 2013-33 eru hlutar sama skautbúnings úr eigu Margrétar Þorbjargar Kristjánsdóttur Jensen. Búninginn og skartið lét Thor Jensen sauma og smíða handa eiginkonu sinni fyrir silfurbrúðkaup þeirra, 21. maí 1911. Þau höfðu gift sig 21. maí 1886 og var brúðkaupið haldið í Krosshúsi á Akranesi. Á silfurbrúðkaupsdaginn voru þau búsett að Fríkirkjuvegi 11 í Reykjavík. Á þessum 25 árum höfðu þau eignast öll sín 12 börn, sem öll nema Lovísa komust til fullorðinsára. Margrét Þorbjörg var ættuð frá Hraunhöfn á Snæfellsnesi en þau Thor kynntust á unglingsárum á Borðeyri. Gefandi er dótturdóttir þeirra hjóna. Hún ber bæði nöfn ömmu sinnar og því kom búningurinn í hennar hlut. Gullskartið sem fylgir búningnum er einstakt sinnar tegundar og aðeins eitt sambærilegt búningaskart er til, svo vitað sé. Það var smíðað fyrir Alexandrínu drottningu fyrir heimsókn hennar til Íslands árið 1921. Það skart smíðuðu Jónatan Jónsson og Árni B. Björnsson.
Aðrar upplýsingar
Ártal
1911
Efni
Safnnúmer
Safnnúmer B: 2013-33-6
Aðfangategund
Undirskrár
Undirskrá: Munasafn
Efnisorð / Heiti
Efnisorð: Faldur