Kistill, + hlutv.

1860 - 1920

Varðveitt hjá

Stokkurinn er með dragloki, útskorinn. Á lok er skorinn stafurinn "G", en í hliðar: "Frá Vinu". Hefir einhvern tímann verið málaður með bláu/grænu og gylltu, er nú næstum afmáð. Var keyptur á 15.00 kr. að Ánastöðum í Breiðdal. Trúlega er seljandinn Stígur Jónsson bóndi þar, en hann hætti búskap 1944. Hann var sonur Jóns á Þorgrímsstöðum í Breiðdal. Með stokknum barst safninu einnig tágakarfa riðuð af Jóni, en það eykur líkurnar á að Stígur hafi afhent hvoru tveggja. Tilgáta um þýðingu stafsins G. sem skorinn er í lokið er sú að móðir Stígs hét Guðrún Kristjánsdóttir og ekki ósennilegt að stokkurinn hafi verið hennar eign. Önnur tilgáta er sú að þar eð bústýra Stígs var Guðrún H. Erlendsdóttir þá gæti hún allt eins hafa átt stokkinn. Stokkurinn er útskorinn af Þorláki Þorlákssyni á Bakka á Mýrum í Hornafirði.