Gólfteppi

1952

Varðveitt hjá

Gulbrúnt með breiðum brúnum kanti og munstri í tveim rauðum litum, grænum, gulum og brúnum. Vefnaðargerðin er brekánsgrunnur en munstrið skuggavefnaður (skravering). Ólöf Þórhallsdóttir, Ormsstöðum, Eiðaþinghá óf veturinn 1951-1952. Efnið er tog, fengin og þvegin heima en sent til vinnslu í lopa. Úr honum spann heimilisfólkið i Ormsstöðum í spunavél, svo var þrinnað á halasnældu. Ólöf og móðir hennar lituðu svo bandið með kemískum lit. Dökki bekkurinn er þó úr Gefjunarbandi. Munstrin eru gömul, íslensk, tekin úr munsturblöðum Halldóru Bjarnadóttur. Litina völdu Ólöf og móðir hennar.