Póstlúður

1905

Varðveitt hjá

Póstlúður frá Guðmundi Þorfinnssyni ferjumanni og bónda á Litla-Steinsvaði í Hróarstungu. Lúðurinn er úr stóru langhyrningshorni, sem er að mestu hvítt en svart í mjórri endann. Guðmundur fékk lúðurinn líklega hjá samgönguyfirvöldum þess tíma, en ferjan á Litla-Steinsvaði hóf siglingar 1905 og var starfrækt til 1942. Ekki er vitað frá hvaða tíma lúðurinn er. Þegar fólk kom að austurbakkanum þá blés Guðmundur í lúðurinn til að láta það vita að hann hefði séð það og kæmi til að ferja það yfir. Þetta er svifferja (dragferja) og var mest notuð þegar Úthéraðsmenn versluðu á Seyðisfirði. Ferjan tók 6 hesta með klyfjum og um 50 sláturlömb munu hafa komist í hana í einu. Ferjumenn voru allan tíma þeir Steinsvaðsbræður og lengst Guðmundur. Gyða Vigfúsdóttir kom með lúðurinn til safnsins og eru upplýsingarnar fengnar frá henni og úr Sveitir og Jarðir í Múlaþingi.