Tunnumerki, peningur v/síldarvinnu

1960 - 1968

Varðveitt hjá

Hálftunnumerki. Líklega af söltunarstöð Haraldar Böðvarssonar & Co., Heklu á Siglufirði en hún var starfrækt 1960-1968. Í merkið er sleginn bókstafurinn "H". Tunnumerki, söltunarmerki. Lítil plata úr málmi eða öðru efni, líkist oft mynt. Yfirleitt merkt því fyrirtæki sem gaf það út. Tunnumerki giltu sem ávísun á opinberan gjaldmiðil, fyrir vinnu í þágu fyrirtækisins, í þessu tilfelli fyrir söltun og niðurlögn á síld í tunnu. Orðin tunnumerki eða söltunarmerki finnast ekki í Orðabók Háskóla Íslands. Tunnumerki voru notuð á Íslandi á árunum 1920-1990, en ekki er útilokað að notkun þeirra hafi átt sér stað fyrr (Freyr Jóhannesson, 2006, 3).