Ritvél, + hlutv.

Varðveitt hjá

Ritvél af gerðinni Remington Portable. Eins og orðið 'portable' gefur til kynna er þetta ferðaritvél, búin m.a. þeim kosti umfram "venjulegar" ritvélar að unnt er að minnka fyrirferð hennar með því að fella niður letur-armana áður en hún er sett i töskuna. Vélin var framleidd i Bandaríkjunum og er verksmiðjunúmer hennar eða 'Serial No:' NM64080 skráð innan á umgjörð vélarinnar (í aftara horni t.h.) - Samkvæmt upplýsingum sem lesa má á netinu voru 600 þúsund ritvélar af þessari gerð framleiddar á tímabilinu frá febrúar 1925 til desember 1928. Þessi vél var ein af þeim. Nákvæmar upplýsingar um framleiðsluár innan þessa tímabils liggja ekki fyrir. Með bréfi sem dagsett var 3. júlí 1948 afhenti Gísli Jónsson, umboðsmaður á Seyðisfirði, Guttormi Pálssyni, skógarverði á Hallormsstað, vélina. Eins og fram kemur í bréfinu var Gísli í vafa um það hvort vélin væri nothæf. Óvíst er hvort hann fór nokkurn tíma fram á greiðslu fyrir tækið. Það sem helst mátti snemma finna að vélinni var slit á pappírsvalsinum sem olli því að hann átti til að "slúðra" þegar átti að færa milli lína. En ritvélin kom í góðar þarfir og nýttist vel i tengslum við þau fjölþættu embættisstörf sem Guttormur gegndi. Sjálfur lærði Guttormur aldrei á ritvélina. Það kom aðallega í hlut yngri systkinanna á Hallormsstað (barna Guttorms og Guðrúnar) að læra á vélina og skrifa á hana bréf, skýrslur og blaðagreinar eftir uppköstum og "handritum" föður síns. Sú þjálfun og reynsla mun hafa komið þeim í góðar þarfir síðar meir. Eina umtalsverða viðgerðin sem fram fór á ritvélinni i tíð Guttorms var sú að valsinn (sem orðinn var mjög slitinn) var fóðraður með viðeigandi efni og renndur á rétt mál. Þetta var gert á skrifvélaverkstæði í Reykjavík. Spólurnar með leturborðanum, sín hvoru megin, hafa einhvern tíma orðið viðskila við vélina og ekki komið í leitirnar. Leturarmurinn yst til hægri (með íslenskri kommu fyrir broddstafi og tvöfalda punkta yfir ö) brotnaði undir það síðasta og þar með varð vélin ónothæf. Við arminn fékkst gert á gullsmíðaverkstæði nú í byrjun júlí. Vélin hefur síðustu áratugina verið geymd út undir súð á Tómasarhaga 47. - GG.

Aðrar upplýsingar

Remington, Hlutinn gerði
Guttormur Pálsson, Notandi
Gefandi: Hjörleifur Guttormsson
Gefandi: Gunnar Guttormsson

Efni

Ólífræn efni, Málmur

Safnnúmer

Safnnúmer B: 2014-127

Stærð

30 x 29 cm Lengd: 30 Breidd: 29 cm

Staður

Staður: Hallormsstaður, 701-Egilsstöðum, Múlaþing

Aðfangategund

Munir

Undirskrár

Undirskrá: Almenn munaskrá

Efnisorð / Heiti

Efnisorð: Ritvél, + hlutv.

Upprunastaður

65°5'36.4"N 14°44'56.3"W