Tunnumerki, peningur v/síldarvinnu

1929 - 1968

Varðveitt hjá

Tunnumerki sem tilheyrðu Síldarsöltun Íslands sem Síldareinkasala ríkisins rak sumrin 1929-1930 á Kveldúlfsplani, síðar KFS-plani. Síðar voru þau notuð af Samvinnufélagi Ísfirðinga á árunum 1930-1968. Stór hluti merkjanna fannst við mikla söfnun á síldarminjum árið 1977 en nokkur hafa verið gefin af einstaklingum. Tunnumerki, söltunarmerki. Lítil plata úr málmi eða öðru efni, líkist oft mynt. Yfirleitt merkt því fyrirtæki sem gaf það út. Tunnumerki giltu sem ávísun á opinberan gjaldmiðil, fyrir vinnu í þágu fyrirtækisins, í þessu tilfelli fyrir söltun og niðurlögn á síld í tunnu. Orðin tunnumerki eða söltunarmerki finnast ekki í Orðabók Háskóla Íslands. Tunnumerki voru notuð á Íslandi á árunum 1920-1990, en ekki er útilokað að notkun þeirra hafi átt sér stað fyrr (Freyr Jóhannsson, 2006, 3).