Rúmfjöl

1854

Varðveitt hjá

Á fjölinni er mikill útskurður, rósaflúr og letur. Í miðju er skorið fangamarkið "E.E." Á efra borði er bókstafsbekkur, en aðeins fyrsti stafur hvers vísuorðs er skorinn. Þ.e. "(Blessaðu Drottinn bæ og lýð,/ blessa þú oss á hverri tíð./ Blessan þína oss breiddu á./ Blessuð veri oss hvíldin þá. Amen". Á neðra borði til hægri handar stendur: "Þann 7. apríl MCCMLIV" (=1854). "B.B.S."). Fyrra fangamarkið á við eiganda fjalarinnar, Eirík Eiríksson (1832-1903), bónda á Vífilsstöðum og Dagverðargerði, góðvinar Páls Ólafssonar. Síðara fangamarkið á við smiðinn Björn Skúlason, ágætan útskurðarmann og skrifara. Hvernig fjölin komst í eigu gefanda er ekki lengur vitað.